Vawiin ni 23, 2026 (Zirtawpni)-a Mizo Hnamrun chhung inkhawm-ah, Pu K. Vanlalvena MP Rajya Sabha, Adviser, MNF Gen. Hqrs ni bawk chuan thusawiin, "Corruption laka fihlim tura intiam ZPM sorkar hi eiru nasa ber sorkar an ni, a ti.
Pu K. Vanlalvena chuan, RTI Act hmanga zawhna leh document dil chungchangah Minister dawhkan a thleng thinte leh, chhanna mumal a awmlo fote hian thup duh chin leh zep a awm tih a tarlang chiang hle a. Hei hi eirukna chiang tak a ni. ZPM sorkar hian RTI hi hnawk a ti em em tih a chiang a. Blanket approval, tih ang chi te hi eiruk leh puanhnuai thil a ni. Blanket transparent a awm ngailo," a ti.
Pu K. Vena chuan, dawt leh thubelhchian dawllo tak hmangin party dangten MNF hi bei thin mah se, state tam takin an hman duhloh laia, eiruk dona atana seperation of judiciary hmang hmasatu leh RTI Act a taka hmang ngam chu MNF sorkar a ni a. Hei hian corruption laka MNF a fihlimzia a tarlang a ni, a ti, a ti bawk.
