Vawiin-a ZPM General Headquarters political session-ah, ZPM General Secretary Media K.J. Lalbiakngheta chuan thu sawiin, “ZPM sorkarin CM Special Package a kalpui hi Lalduhoma Special Package tia thlak tura min duh chuan, NLUP kha Lal Thanhawla NLUP, tia thlak ni se, SEDP kha Zoramthanga SEDP tia thlak ni se a rual tlang deuhin ka ring, a ti.
ZPM Media GS chuan, heng thu nawi te te hi party lian chhung inkhawma sawiah chuan a nawi deuh em tiin, Policy & Program sawi tur an nei lo em ni? MNF te hian SEDP hi an aupui leh dawn em? An term hmasaa SEDP duangtu leh hmuntina tlangaupuitu hi Policy thar duan tir leh thuai se, chu chu tlangaupui se la, a implement turin ani bawk hi President tir law law se an thatpui a rinawm,” a ti.
MNF Senior Vice President, Dampa bialtu MLA bial fang thu hla enin, a thusawiah tihsual nge tihluih tih chhut tur a tam deuh ni a sawiin, ZPM Media GS chuan, Mamit District-a zirtirtu 150 khawpui lama dah te hi term hmasa lama tih ni a sawiin, ZPM sorkar hian special case-in 10 bawr bak a la khawih che lo a. MNF sorkara education minister a bei nge, a ti tak tak a rilru hriat a ni lo a, a ti tak tak a nih chuan an sawn chhuah hmasa lam atang khan sorkar hian sawnlet tan se a tha dawn mang e tiin, Dampa bial hmasawn loh zia thu a sawi fo hi a takin ngawirengin thawk se, hmasawn tir tum se a that zawk a rinawm thu a sawi bawk.
