MLA, Adviser to Chief Minister TBC Lalvenchhunga chuan vawiin ZPM chhung inkhawmah thu sawiin, tukin Vanglaini chanchinbua senior journalist Pu HC Vanlalruata thu ziah, 'Lengpui Ram IAF Hnena Hralh' a lo lang zangnadawmna cheng vaibelchhe 187.90 dawn chungchang chu sorkar hmasa lam huna tihfel vek a nih thu a sawi a. IAF ram lei leh hralh hi Lengpui ram chauh ni lovin Sihphir ram acre 5 a tel tih a sawi bawk.
TBC Lalvenchhunga chuan, he thil hi kan sorkar hma thil a ni a, Assembly House leh Ignite Studio-a party tin te sawihonaah ka sawi chhuak tawh bawk, a ti a. Sorkar hmasa huna teh fel leh tih fel vek tawh a ni, a ti a. Tun sorkar hunah zangnadawmna pawisa hi sorkar laipui lam atangin a lo thleng a, pek a ni ta a ni, ati. TBC Lalvenchhunga chuan sorkar hnen thleng loa ram hralh theihna DC 'level'-a a zo vek thei chu mak a tih thu sawiin, "Ram hi 'direct'-in an lei a, sorkar thleng loa DC 'level'-ah a zo vek mai a, tun IAF ram leiah pawh hian DC 'level'-ah a tawp vek. 'Direct purchase' a ni a, DC hian Collector an nih avanga 'final' mai an ni a, cheng vaibelchhe 187.90 khan an hralh thei tlat a ni," tiin ram hralh leh zangnadawmna chungchang a sawi bawk.
