Lengpui ram lei chungchangah party 3-te kan inlungrual. MPCC President
Vawiin February 6, 2026 Zirtawpni hian Mizoram Pradesh Congress Committee chuan Political Session a nei a, MPCC President Lal Thanzara'n thu sawiin, “Kan hun kal taah khan kan party sorkar khan Kohhran pawi kan lo sawi palh a nih chuan ngaihdam ka dil a, kan sorkar leh a nih chuan Kohhran ril rem loh zawng kan ti ngai tawh lovang tih ka sawi duh a ni, a ti.
MPCC President chuan, Congress Party CM chuan Kamrula Contract a thawpui ve ngai lovang. Pathian leh mipui zarah kan sorkar leh anih chuan party dangin kan ti leh ang tih an hlauh em em NLUP hi changtlung zawkin kan herlum leh ang tih ka puang a ni, a ti.
MPCC President chuan, “Tukin Vanglaini chanchinbu chhuakah khan Lengpui ram lei chungchangah MNF in Chief Vigilance Officer hnenah CBI chhui tir tura ngenna an thehlut a, MPCC in CBI ah FIR an thehlut a, ZPM Party in CBI hnenah FIR thehluh an tum thu an sawi bawk a, a lawmawm hlein ka hria. Khati khawpa MNF sokarin hralh an tum, ZPM sorkarin man man taka a hralh chhan hi sawi vak ngaiin ka hre lo. Party pathumin inlungrual takin CBI chhui tir turin kan ngen a ni a, heti khawpa party pathum te kan inlungrual avang hian mantang eitute chu an man chhuah vat a rinawm, a ti.
MPCC President chuan, “ZPM Cabinet Meeting in CBI hnena FIR thehluh an tum ni awm anga sawi a awm a, kha meeting kha Council of Ministers thukhawm ni lovin thufal ho, CBI hnena FIR thehluh rel thufual mi tlemte rel a ni awm e. Hmanni khan Pu TT Zothansanga thu sawisual vanga ZPM hruaituten an sawi duh zen zen loh CBI General Consent an pek an sut lehna ni leh thla nen an rawn tarlan phah te kha a lawmawm kan ti, a ti bawk.
