Mipui hian Congress nge nge kha an lo tha ber an ti tan mek. Lalnunmawia Chuaungo
Vawiin March 30, 2026 Thawhtanni khan Mizoram Pradesh Congress Committee chuan Monday devotion leh Political Session an hmang a, Lalnunmawia Chuaungo, Sr Vice President, MPCC chuan thu sawiin, "Congress in sorkarna an chang leh anih chuan sorkar kalphung kan thlak danglam anga, keimahni hamthatnan thuneihna kan hmang ve dawn lo. Kan President hi mi dik ani a, chutiang hamthatna um mi chu niin ka hre lo a ni.” a ti.
Lalnunmawia Chuaungo chuan, “Congress chuan Health care siamthat te hi kan ngaihpawimawh tur zing ami a ni a, changtlung zawkin kan kalpui dawn a ni. Health Care hi ram hausa leh ram changkang te pawhin an buapui a ni a, a hautak em em a ni. Natna a nasat hma a inenkawlna, Primary Health hi tun thleng hian kan ngaihthah em em a, hei hi kan ngaipawimawh a ngai a ni. Natna a nasat hma a natna hmuhchhuah leh enkawlna hi Congres kan sorkar chuan kan ngaipawimawh dawn a, natna hmuhchhuah zung zung a nih theih nan Primary Health Center te kan ti changtlung anga, Laboratory changtlung tak kan din sak zel dawn a ni, a ti.
“MNF khan kum 2018 kum tawpah thuneihna an chang a, an rorel dan kan hria a, mipui in an duhkhawp lo hle a nih kha. Chutah ZPM an lo lang a, thiam takin sorkar kal tawh ten engmah an lo ti lo tiin sorkar kaltawh te chhe lailet derah an chhuah a, thil tha tinreng an tiam a, mahse a tlachawpin min kalpui a, min arkhawthim dai pui mek a. Chuvangin kum 2028 inthlan lo awm turah hian mipui in congress min beisei mek a, Congress nge nge kha an lo tha ber an ti tan mek a ni. a ti.
“Kan hma lawkah Aizawm Municipal Corporation inthlan kan hmachhawn dawn a, ZPM sorkar hian a hunah min inthlanpui ngam lo a, AMC hi an thununna, thuneihna an kuta lak phawt a min inthlanpui hi an tum a. Tuna kawng an siam te hi mipui sum, mipui sum thehkhawm a ni. Sorkar hmasa te pawhin kawng an lo siam ve thin ang tho khan an siam ve a ni mai a, mipui vote an hmuh belh vakin a rin awm loh," a ti bawk.







