MNF AMC Sorkar khan Mizoram leh Aizawl mipuite hnam angin min ti mualpho. Jeje Lalpekhlua MLA
Vawiin Ni 4 April 2026 khan ZPM Thalai President Jeje Lalpekhlua MLA chuan thuchhuah siamin, MNF Kaihhruai Aizawl Municipal Corporation (AMC ) Sorkar khan Mizoram leh Aizawl mipuite hnam angin min ti mualpho a ni, a ti.
ZPM Thalai President chuan, Comptroller and Auditor General of India (CAG) Report chuan "MNF Sorkarna hnuaia Aizawl Municipal Corporation chu bawlhhlawh paihna truck 45 a tihral danah a sawisel a, hei vang hian state sum cheng nuai 3.16 a hloh a ni' a ti a.
Hentiang taka Aizawl khawpui sawp chhe tute hi ZPM Thalai General Hqrts chuan AMC a sorkarna siam leh tlakah kan ngai tawh lo a. Aizawl Mipuite pawh in lo hnawl ngam tawh turin kan ngen a ni, a ti bawk.
MNF Sorkar-a AMC te thil tih dan CAG Report-in a tarlan danin, State Investment Project Management and Implementation Unit (SIPMIU), Aizawl chuan Oct 3, 2017 khan khawpui chhunga bawlhhlawh paihna tur lirthei thar Truck (Tipper) 50 leh Pickup pali — 4 te chu MNF kaihhruai AMC hnenah an hlan a , a vaiin 10.28 Crore man a ni a, heng an motor hlan te hi 2018 khan MNF kaihhruai AMC Sorkar khan tlawm uchuak takin a tiral leh vek a ni, a ti a.
Mizoram Condemnation and Disposal of Government Vehicles Rules, 2011-in ah chuan lirthei te hi kum10 a tlin hnuah emaw km nuai 2 a tlan tlan hnuah chauh tihral phalna a pe a ni.Tin, "Lirthei in Accident a tawk palh a, sum leh pai lama siamthat theih loh a nih chauhvin a hun hma in an tiral thei ang" tih danah hian a awm bawk a ,Mahse, AMC’s board of councillors chuan Dec 2018 khan bawlhhlawh paihna truck-te chu Privatise turin thutlukna an siam a,Technical inspection-ah lirthei te hi an dinhmun a tha tih finfiah a ni.
Chuti chung chuan official-te chuan ‘Economic repair atan an fit tawh lo’ tiin an thutlukna an siam a, Motor 1 zelah cheng nuai 5.64 chauh in an duhsak zawng te hnenah a pe a ni. Hetiang tak a CAG report in MNF AMC Sorkar avang a Aizawl mipuite leh Mizo mipuite induhsakna uchuak tak hmang a kan hmai a ti bal ta mai hi ZPM Thalai chuan pawi kan ti a, a thleng nawn tawh loh nan Corruption lak a fihlim tur ngei ZPM AMC Candidate -te Aizawl Mipuiten lo thlang tling theuh turin in khawngaih Vote kan han dil nghal bawk a ni, a ti bawk.
