MLA seat tam zawk hmeichhiate tan a nih tawh dawn. Dr. K. Beichhua MLA
BJP Mizoram chuan vawiin khan Nari Shakti Vandan Adhiniyam thlawpna lantir nan Two-Wheeler Rally buatsaihin, Vanapa Hall kawt aṭanga Sikulpuikawn-ah kalin, BJP State Office, Mipui Rûn, Upper Republic-ah hun tâwp an hmang.
Two Wheeler Rally Flag Off neih hma hian, State Jt. Treasurer & Nari Shakti Vandan Adhiniyam State Convener Lalremsangi Fanai chuan, "Prime Minister Modi kaihhruai hnuaiah Women's Reservation Bill hman theih tura sawi ho a ni dawn ta hi a lawmawm hle a, vawiin-a Two-Wheeler Rally-a lo kal te hi BJP an nih vang ni lovin, Women's Reservation Bill ṭha kan tih vang a ni a, nakin lawk-ah chuan Mizo hmeichhia MLA tam tak kan la nei dawn a, hmeichhiate hmakhaw ngaitu PM Modi chungah lawmthu kan sawi a ni, India ram President mai bakah Union Finance Minister hmeichhia kan nei a, ram hruaitu nihna pawimawh tak tak hmeichhiate pek an ni zel a ni, a ti.
Two-Wheeler Rally hi State Vice President Lalduhawma'n a vailiam a, BJP State Office-ah kharna hun hman niin, State President Dr. K. Beichhua MLA chaun, PM Modia'n Women Empowerment hi a ngai pawimawh hle a, hmeichhiate heti tak maia chawikân a duhna hian India ram pum ah a ṭha zawnga nghawng a neih ngei kan ring tlat a, Mizoram-ah pawh vawiin-ah chuan Hmeichhia chhungkaw chawm kan tam tawh hle a, Sa sât thlengin hmeichhia ṭhahnem tak kan awm tawh a ni, a ti a. Mizoram hma lam hun thui tak hril thei tur Women's Reservation Bill hman theih a nih dawn tak avangin, MLA seat tam zawk hmeichhiate tan a nih tawh dawn a. Mizo hmeichhiate aiawha ding thei tur khawpa lo inbuatsaih a pawimawh ta a. Chuvangin kan State-ah ngei pawh hmeichhiate'n kan tha kan tih chaka, ram rorelna-a ṭangkai taka thawk thei turin kan inbuatsaih a ngai a ni, a ti bawk.
