MNF Thalai ten dawt kan do dawn. MNYF President
Inrinni kalta-a MNYF Headquarters leh MNYF Dampa East Block huaihawt Reiek Community Hall-a MNYF Dampa East Block Meet-ah, MLA leh MNYF Headquarters President ni bawk Robert Romawia Royte chuan, Reiek khua-in India ram pum huap lawmman "Best Tourism Village of India 2023" a dawn phahna Anthurium Festival ZPM sorkar tharin a ti tawp ta hmak mai chu thil pawi tak a nih thu sawiin, a titawptu ZPM sorkarin he biala be-election a awm dawn avang maia huaihawt leh an sawi leh vel chu a rintlâk loh thu a sawi a. Bial mipuite chu an chanvo laksaktute vote an ba em? tihte ngun taka ngaihtuah turin a chah.
Article 371(G) chungchang sawiin Robert Romawia chuan Lalduhoma te'n kan hnam inhumhimna, kan hnam sipaitena an sualchhuah Article 371(G) an suasam ta mai hi a pawi takzet a. FCAA 2023-in hmasawnna hnathawh a ti awlsam zawk dawn an tihte hi dawt a ni a. MNF Thalaiten dawt kan do dawn a, dawt 100 kan hal tawh a, dawt dang hal alh hluai tham kan nei leh tawh, a ti.
