MNREGS tih tawp in thingtlang mi harsa zawk te a nghawng dawn. Dr. Mala
Vawiin-a Congress Party kawngzawh naah MPCC Treasurer Dr. Lalmalsawma chuan, kawngzawh tanna Chanmari-ah thu sawiin, Ni za inhlawhna, MNREGS hi thingtlang mite tan a tangkai in chhungkaw tamtak innghahna a ni a, hetia Central-a BJP sorkarin tihtawp a tum hi thil pawi tak a ni, a ti a. He thil hian India ram mai nilo, Mizoram-a thingtlang mi harsa tak tak te a nghawng dawn a ni, a ti.
Dr. Mala chuan, ZPM social media worker ho chuan ni za inhlawhna hi thatchhiat inzirtirna tiin an sawi a, thingtlang mi harsa tak tak te hi mi thatchhia an ni lo tih ka sawi duh a ni, a ti a. Lengpui Airport bula ram hralh chungchangah Hriata Chhangte in, mantang eitu ber in he pawisa hi ka chan vek tur a ni lo, mantang eitu dang ka pek ve a ngai a lawm a ti' tiin a sawi a, chutiang thil diklo chu kan sorkar hian a enliam mai mai dawn em ni tih ka zawt a ni, a ti bawk.
India ram hmun hrang hrangah tunhnaiah Kristiante tihduhdahna a hluar nasa em em tih sawiin, Dr. Mala chuan, Krismas an hmanna te tihbuai an ni bawk a. Hmanni a Odisha Pastor chunga thil thlengah pawh khan Meghalaya CM te, Kerala CM te chuan an auchhuahpui a. Kan sorkar hian aupui ve se kan duh a. NEDA member MNF pawh hian aupui ve se kan duh a ni, a ti bawk.
