MPCC President campaign in fehchhuak
Vawiin hian MPCC President Lal Thanzara chuan Dampa bial a bye-election campaign neiin Kanghmun-ah hun a hmang.
MPCC President Lal Thanzara chuan Vanduaithlak takin helai bialah by-election kan nei dawn a ni a. Ruling Party in an candidate hi an duh ber niin a lang lova, MNF pawh hmanni lawka sorkarna siam an ni a, an candidate chungchangah an party chhungah sawi neuh neuh a awm awm e. Heng karah hian beiseina kan nei a ni. Congress Party hi inthlan dawna kan party intiamna tihlawhtling ṭhin kan ni a. Tuna sorkar mekte leh MNF te hian an intiamna an tihlawhtling ngai lo" a ti.
MPCC Presidet chuan, kawng a chhia a lirthei khalhtute an nuar a, Bana Kaih ah te pawh mipuite an beidawng em em a. Central Scheme awmsa an mahni siam angin an sawi mai mai a. Keini chuan NLUP keimahni scheme siam kan sawi a, kan tihlawhtling a, chhungkua nuai khat leh sing li chuang NLUP hmangin kan chhawmdawl a ni. ZPM Sorkar hian sum leh pai an nei lova, Central sorkar dawrin an thlalak te pawh kan lo hmu awm e. BJP sumin an campaign a, an intiamna ang an tih leh loh avangin Central Sorkar in an hrek mek a ni, a ti.
Lal Thanzara chuan, kan party hi India ram dan zamtute kan ni a, kan hotute'n India ram hi sakhaw zalenna ni rawh se an lo ti a. Chu chu BJP hian an ngaithei lo hle a. Tunah hian kan Missionary-te pawhin missionary an inti ngam tawh lova. Chutiang karah chuan ZPM leh MNF te hi chutiang titute thlawptu an ni te hi Kristian-te tih atan a mawi lovin, a lungchhiat thlak takzet a ni, a ti bawk.
India ramah Chanchin Ṭha puan darh a tih hleihtheih tawh lova, BJP leh an tha tichaktute'n Kristian te an tiduhdah mek a. Chutiang thurualpui duh MNF leh ZPM hi chu ringtu kan nihna ang pawhin kan hnualsuat a ngai tiin MPCC President chuan, BJP an kal na em em a, chu chu an Hindu puite pawhin an duh lo em em a. Congress boruak hi India ramah hian a ṭha tawh em em a. Theihtawp in hma lo la ula, Kristian-te tiduhdahtu thurualpuitute zawm tlattute zinga tel lo turin mite lo hrilh ula. In ṭhahnemngaihna te hi India rama kan sorkar hunah kan hre reng dawn a ni, a ti bawk.
