BSF hnalaka dan palzutna awm chuangchang-a MSU in Aizawl PS-a FIR an thehluh chungchang Home Minister an sawipui.
Vawiin 1st June 2026 (Thawhṭanni) khan MSU hruaitute chuan Home Minister K. Sapdanga chu a Pisaah an hmu a. BSF hnalaka dan palzutna nasat tak awm, hemi avanga MSU in Aizawl Police Station a FIR thehluh chungchang an sawipui.
MSU chuan Home Minister hnenah hian Mizorama cheng niloten, Mizoram mi leh sa anga insawi a, BSF ah Document diklo tak siam chawpa hna an zawm chungchangah FIR ni 6th March 2026 (zirtawpni) khan Aizawl Police Station ah FIR a thehlut a. Thla-3 (thum) dawn a liam tawh hnuah engmah Sawrkar lam aṭanga hmalakna chin hriat a nih loh bakah, heng document lem hmanga Mizo quota a lut te hian vawiin thlenga an hna an la thawk chhunzawm zel leh man an la nilo hi MSU chuan a hrethiam lova, MSU chuan tun aia chak zawka hma la tur leh mi diklo te man vat turin Home Minister hnenah an ngen nawn leh a ni.
Home Minister chuan MSU thuthlente chu pawimawh atih thu a sawi a. Thil diklo a awm anih chuan huaisen taka do tur leh, BSF hnalaka diklo awm pawh MSU te nen ṭangruala theihtawp an chhuah tur thu a lo sawi ve bawk a ni.
