SASCI Sum tel lovin Mizoram sorkar a kal hleithei tawh lo. State dang te nen kan in an lohna lian tak pakhat a ni. K. Hrahmo MLA
Zirtawpni kalta-a BJP Mizoram Political Session-ah, BJP State Core Committee Member K. Hrahmo MLA chuan thu sawiin, "Mizoram sorkar chu India rama kan sum dinhmun en in, Special Assistance to States for Capital Investment (SASCI) sum puk hnem ber kan ni a, SASCI sum tel lova Mizoram sorkar hi kan kal hleithei tawh lo hi, State dang te nen kan in an lohna lian tak pakhat a ni awm e," a ti.
K. Hrahmo chuan, "Tunlai hian Mizoram sorkar chuan kawngpui an siam mek a, an ti ṭha hle a, amaherawhchu, kawngpui an siamna hi mipui thawh khawm Petrol (Litre khat ah cheng nga) leh Diesel (Litre khat ah cheng sarih) tax kan chawi atanga tling khawm aṭangin, Rs. 46,88,73,326 sorkarin a hmuh avangin kawng hi a siam thei chauh a ni tih kan hriat tlan a pawimawh hle a, sum tling khawm heti zat a nih avang hian kawng an siam pawh hi a âwm hliah hliah zawk a ni," a ti.
K. Hrahmo chuan, "India ramah PM Modi hmalakna ropui tak leh mi thiam ṭha tak tak kan neih avangin, khawvel puma Iran War vanga harsatna tâwk tam tak an awm laia, India ram sorkar hruaitute hmalakna avanga kan nitin mamawh Oil leh Gas pawh kan phur tlang thei a, hetiang a nih avang hian India rama Intellectual leh Neutral-te'n an fak nasa hle a. BJP Policy leh hmalakna hi a rin tlâk hle hei hian a ti chiang a ni, tun hnai election-ah BJP-in hnehna kan chang zel a ni," a ti bawk.
