Vawiin January ni 16, 2026 (Friday) khan BJP Mizoram State Office, Mipui Rûn, Upper Republic-ah VB-G-RAM-G Scheme thar zir hona hun neih niin, Pu Lalduhawma Pachuau, State Executive Member in inkhawm a kaihuaia, Pu Lalfakzuala Hauzel, State General Secretary leh Pi Lalremsangi Fanai, State Jt Treasurer te Resource Person an ni.
Pu Lalfakzuala Hauzel chuan, "Ni 100 inhlawhna MGNREGA chu kum kal ta 15th December, 2025 aṭang khan, Scheme thara thlak niin, a hming thlak mai nilovin, MGNREGA aia changtlung zawk leh mipui tana ṭangkai zawk tura duan, VB-G-RAM-G hi keini BJP Member-te hian a nihna dik tak kan hriat a, mipui la hrethiam lo leh hre chiang lo te hnena hrilh fiah thei tur khawpa kan hriat ve a pawimawh hle a ni," a ti a. He Scheme chhawrtu tur thingtlang mipuite erawh chuan, he Scheme ṭhat zia sawiin, nakin lawkah chuan lawmthu an la rawn sawi zawk ngeiin a rinawm a ni," a ti bawk.
Pi Lalremsangi Fanai chuan thusawiin, "MGNREGA tih changtlunna tur Scheme ṭha tak mai Central Sorkar hian an rawn siam hi a lawmawm hle a, Scheme hming hmasa MGNREGA hnuaiah kha chuan Corruption tih theihna chance ṭha tak tak a awm a, fair taka kal pui hleihtheih lohna tam tak a awm a ni. A bik takin kha Scheme ah khan Job Card lem siam a, hnathawktu lem siam theih te kha a ni a, tin sum tam tak kha a nih lo na tur ah hman theih ṭhin a nih avangin a chhawrtu mipuite tan khan a hlawk tawk lo hle ṭhin a ni," a ti.
VB-G-RAM-G chungchang inhrlhfiahna hun neih zawh ah hian zawhna leh chhanna hun te siam niin member te'n an hlawkpui tlang hle a ni.
