Vawiin ni 16/01/2026 Zirtawni khan MPCC te chuan Golden Hall, Congress Bhavan ah Political Session kan hmang a, Pu Ngunlianchunga MLA, MPCC Vice President chuan thu a sawi.
Pu Ngunlianchunga chuan, January ni 13 a Vanglaini chanchinbu chhuak ah khan kan CM chuan 'sorkar hmasa te sum bat cheng vaibelchhe 6311 kan rul tawh a, keini chuan leiba hnutchhiah kan tum ve lo' te a ti a. Vaibelchhe 6311 chu tu hnenah nge an pek, Administrative Approval a awm em, Expenditure Sanction a awm em tih ka zawt duh a ni. Tun sorkar hian engang pawhin kal dik tum se a leiba pek bang a nei dawn tho tho, a ti bawk.
Pu Nguna chuan, Chief Minister hian BJP a hlau em em a, an tel lovin District Council ah ZPM in sorkar an siam ngamlo. LADC ah pawh sawn MNF leh ZPM khan sorkar siam tum in thuthlung an ziak a, chawlhkar thum a ral hnuah pawh Governor office atangin engmah hmalakna a awm loh avangin MNF lam khan ZPM hotu lu lamin sokar siampui turin an duh lo ni a ngaiin Congress sorkar siampui turin min sawm ta zawk a ni, a ti bawk.
ZPM sorkar hian BJP hi an hlau hle a, kan Governor pawh hian engah mah a ngai lo niin a lang a. Kan Governor Office atangin file pawh an nawr chhuak hlei thei lo a. Governor hian sorkar hi engah mah a ngai lova, hmanni lawka Council of Minister ten CADC chungchanga an thurel pawh engahmah ngai lovin a suspend chhunzawm zel niin Pu Ngunlianchunga chuana sawi bawk.
