ZPM sorkar hian min bawl mai mai tum tawh suh se. Dr. R. Lalthangliana MLA
Vawiin khan Mizo Hnam Run chhung inkhawm-ah MNF President Zoramthanga chuan AMC election 2026 Manifesto a tlangzarh a.
MNF Sr. Vice President Dr. R. Lalthangliana, MLA chuan thu sawiin, "Aizawl-ah hian mifing leh fel tak tak, thil awmze manthiam leh hria an tam, ZPM sorkar hian min bawl mai mai tum tawh suh se. State capital Aizawl atanga Thenzawla sawn tumna chu, document hmuhtur nen a awm reng laiin, Peace City, tiin an sawi leh daih a ti.
Dr. Thangtea chuan, "AMC inthlan hi an zuam vaklo a ni ang, term zawh hnuah pawh corporator-te kut phuarsak siin inthlan hun an pawtsei a. Mipuiin oil kan leina chhiah chawi tlingkhawm hmangin kawng an cheitha a, hei hi tu te tan pawha thil harsa lo, lemchanna chikhat mai a ni a. Tun tum AMC election lo awm turah hian MNF ten candidate kan duh tui a, Aizawl khawpui hmasawnna atan hna tam tak, rotling kan lo thawh tawh avangin beiseina sangtak kan nei a ni," a ti bawk.
Dr. Thangtea chuan, Assam Rifles khawpui chhung atanga sawnchhuah chungchang hi MNF sorkar pian hmasakber, Laldenga CM na hnuaia buaipui tan daih tawh kha a ni a. Khatih hunlaia Revenue Minister Tawnluia hmalaknain Zokhawsanga an insawnna tur ram buaipui a ni tawh a. MNF General Assembly vawi 25 na, Oct ni 21-22, 1987 ah, AR chhuahsan tur ram chu public purpose atan chauhva hmantur a ni, tiin kan lo rel daih tawh bawk a. AR sawn chhuak tur hian MNF in tha a thlah ngai lova, ZPM sorkar leh an insawnchhuah hun a innangfuh ta a ni, a ti.
