ZPM Thalai General Headquater’s chuan Aizawl City Area ZPM Thalai Unit tlawhchhuah programme kalpui chhun zawmin, nizan ni 30.1.2026 (Zirtawp Zan) khan ZPM Thalai General Headquarters' Vice President Lalthansanga , Vice President Isaac Lallungawia Rokhum, Treasurer Lalsangliana Khiangte leh Headquarters Thalai hruaitu ten Thalai Unit-te hi an tlawh chhuak a ni.
ZPM Thalai hruaitu te hian, Tlangnuam, Tuikual South leh North, Kanan, Chawlhhmun leh Muanna Veng Unit te tlawh na hmun an hmang a, ZPM Thalai Vice President Lalthansanga chuan, Unit hrang hrang an tlawh chhuahnaah hian thu sawiin, 'Mizoram Politics-ah thalai ten hun pawimawh kan chang tawh a, Mipuite hnen a kan thutiamah rinawm a pawimawh a , Lalduhoma kaihhruai sorkarah pawh hian Mipuiten rinna an nghahna chhan chu kan Policy leh Manifesto-ah te kan rinawm vang a ni, a ti.
ZPM Thalai General Headquarters Treasurer Lalsangliana Khiangte pawh in, ZPM Thalai Unit hruaitute fuihna neiin 'Hruaitu chu a thiltum-ah thuk takin an inpe tur a ni a, a hlawhtlin theih nan theih tawp a chhuah tur a ni a, kan hma lawkah Aizawl khawpui chhunga rorel tutur AMC kan thlang leh dawn a, Thalai ten uluk tak leh rilru fim tak pu a ngaihtuahna kan sen a ngai a, Mizoram State a sorkar mekin a thawhpui theih ngei tur AMC kan thlan tlin a ngai a ni, a ti bawk.
ZPM Thalai Unit hruaitute leh Headquarter hruaitute hian inkawm hona leh hmalak ho dan tur an sawi ho bawk a ni.
