Home Minister in NCC Inter-Group Pre-Suberoto U-17 Hmeichhe Football Tournament a hawng
Dated Aizawl, the 10th June, 2026 : Vawiin khan Home Minister K.Sapdanga chuan National Cadet Corps Inter- Group, Pre-Subroto U-17 Girls Football Tournament, Rajiv Gandhi Stadium Mualpui a neih chu khuallian niin a hmanpui. Tun tum tournament hi Directorate of North Eastern Region NCC hnuaia NCC Group Headquarters, Aizawl Mizoram in a thleng(Host) a ni.
Minister chuan tournament hawnna inkhawmah North East State hrang hrang atanga inkhel tura lo kalte chu Mizoram aiawha lawmna thu a sawi a; hmarchhak state-te chu India ram pumpui ang pawha footballer tha tak tak chher chhuak thintu an ni tiin, India ram mai pawh ni lo, ram pawn thleng pawha inkhel thiam tirchhuak zel thei tu ni tura theihtawp chhuah turin tournament-a inkhel tura kalte chu a chah a ni. NCC-in hetiang ang tournament tha tak mai an buatsaih chu lawmawm a tih thu sawi bawkin Minister chuan hmeichhe inkhel thin te tana kawng hawnsaktu pawimawh tak a nih thu a sawi a. Football khel tura quality pawimawhte chu NCC kalphung nen pawha inmil tak a nih thu sawiin, inelna a nih rualin inunauna tha zawk siam nana hun hmang tel turin inkhel turte a chah nghal bawk a ni. Minister hian torunament trophy leh medal tlangzarhna hun a hmang nghal bawk.
Pre – Subroto Cup-ah hian North East State hrang hrang atangin team pariat - Silchar Group, Aizawl Group, Kohima Group, Jorhat Group, Guwahati Group, Shillong Group, Tezpur Group leh Dibrugarh Group te an inel dawn a, June 17 ah final khelh tur niin, heta chakte chu North East Region Player atan thlan an ni anga, Delhi-a International Football Cup August 2026-a neih tur ah an khel leh dawn a ni.
