Thingkung thlavang lehzel enchhin sorkar hnuai-a hauh a ngai ta hi a vanduai thlak. MPCC President
Vawiin-a Aizawl mipuite thlavang hauh tura kan lo kalkhawm hian mipuite chang ni lo, kan boruak tinuamtu thingkung te lehzel he ZPM enchhin sorkar hnuaiah hian thlavang hauh a lo ngai ta hi a vanduaithlak hle. MPCC President
Vawiin April Ni 17, 2026 Zirtawpni khan Mizoram Pradesh Congress Committee chuan, Mipui thlavang hauhna leh AMC Election Campaign kharna hun Vanapa Hall kawtah an hmang a, MPCC Lal Thanzara chuan thu sawiin, “Vawiin nia Aizawl mipuite thlavang hauh tura kan lo kalkhawm hian mipuite chang ni lo, kan boruak tinuamtu thingkung te lehzel he ZPM enchhin sorkar hnuaiah hian thlavang hauh a lo ngai ta hi a vanduaithlak hle a. Kan sorkar enchhin mek hian kan Aizawl khawpui hmasawnna tur hi ngaihtuahin mipuite hamthatna an ngaihtuah dawn emaw ka tih laiin, MNF te nen Brigade field-ah SASCI Football Tournament min khelh san tak avangin, Aizawl mipuite thlavang hauh turin Congress party kan lo penchhuak a ni, a ti.
“Politicc-ah kan ngaihtuah tur chu ram, sakhua, hnam a him em tih hi a ni. Kan inthlang dawn a, hmani lawkah Vairengte ram chu Assam vai ten min lo vah sak a. Central BJP sorkarin Kristiante chanchintha puandarhah te harsatna min siamsak mek a, ni za inhlawhna Mizoram thingtlang te innghahna te chu an pawngsual a, chawlhniah te thlalak ngai ten min suasam sak mek a ni. FCRA Act hmang in kan rama an duh lai lai hi engemaw chhuanlam Project siamin min hman sak thei bawk a. Tun hnaiah FCRA hmangin foreign atanga tanpuina dawng thin home, hospital te chuan an hmuntha thei ta lova, heng zawng zawng kan ngaihtuah hian kan ram, kan hnam leh kan sakhua a him lo a ni. Hetiang thil rawn thlentute chu central-a sorkar lai BJP an ni, a ti bawk.
